KLAUSTROFILIA
Ezkutuan gaudenean izaten dugun segurtasun eta lasaitasun sentipen atsegina adierazi nahi du klaustrofilia kontzeptuak.
Nahiz eta klaustrofilia borondatezko edozein konfinamendu-motarekin lotuta dagoen, proiektu honek giza esfera autorreferentzial baten ideia faltsua du ardatz, berez itxita dagoena eta historikoki gure existentzia osatu eta baldintzatu duten prozesu eta fenomeno naturaletatik kanpo dagoena.
Industria-gizarteetan, planeta mailako teknoesfera batek munduarekin ditugun harremanak arintzen ditu, eta munduaren jabe sentiarazten gaituen lilura sortzen digu. Itsu-itsuan zientziaren boterean sinesteak, naturaren sekretuak argitzea lortu du eta haren aplikazio teknikoek kontrolik gabeko lurraren indarretatik babesten gaituztelako ustea sorrarazi digu.
Horregatik, ezustekoren batek zibilizazio-konfinamendu eroso horren hauskortasuna gogorarazten digunean, gure senak ukazioa azalerazten digu. Ez gaude prest inolako oharrik entzuteko, ez eta lurrari bizkar emanda bizitzeak dakarren pribilegioari uko egiteko.
KANPOKO BULEGOA
Kanpoko bulegoa landa-kulturari eta lurraldeari buruzko pentsamendurako artisau-lantegia da. Gure kultura-ekoizpena estu lotuta dago baserrian egiten dugun eguneroko jarduerarekin. Gure lana idazketan, diseinuan, gogoeta kolektiboko prozesuetan eta lurralde-dinamizazioan oinarritzen da.
ARTISTAK
Iranzu Antona
Inés Aubert
Mirari Echávarri
Víctor Masferrer
Txuspo Poyo
Iosu Zapata
ERAKUSKETAREN DATAK ETA HERRIAK
Agoitz | Kultur etxeko Jose Hierro aretoa
2020ko azaroaren 6tik, 28ra.
Altsasu | Iortia kultur gunea
2020ko abenduaren 18tik, 2021eko urtarrilaren 17ra.
Elizondo | Arizkunenea kultur etxea.
2021eko urtarrilaren 19tik, otsailaren 13ra.
Tafalla | Centro Cultural Tafalla Kulturgunea.
2021eko otsailaren 19tik, martxoaren 19era.
Tutera |
2021eko ekainaren 3tik, uztailaren 4ra.
LIBURUTEGI ILAUNA
Liburutegi ilaun, iragankor, honetako liburuek erakusten dute nola Kulturaren ahots baimendua natura hitzarekin ezagutzen dugun horretara, landa-ingurunera eta lurraldera gerturatu den kanpokotasunera.
Kasu batzuetan, autoreak landa edo natur alteritate hori ariketa estetiko edo ideologiko soil baten zerbitzura dagoen objektu gisa erabiltzera mugatzen dira. Beste batzuetan, aldiz, hura deszifratzen eta modurik objektiboenean aztertzen saiatzen dira; baina horietako inork ezin dio ihes egin liburuak funtsean hirikoa den kultura-tradizioaren esparru itxiari dagozkiela.
Muga horien gainetik, hauen irakurketak aukera ematen digu lurrarekiko harremanetan pentsatzen jarraitzeko eta lurretik urruntzen gaituen zibilizazio-konfinamenduaren diskurtsoa desartikulatzeko.
Liburutegiak utopiei eskainitako atal bat ere badu, agian klaustrofiliaren adierazpen gorena irudikatzen duen generoa. Eskerrak eman nahi dizkiogu Nafarroako Liburutegiari erakusketa honetako liburuak uzteagatik.
Liburutegi ilauna: Liburu zerrenda PDF-an
KLAUSTROFILIAREN BLOG-A
Zer gertatu zen Uholdeak – Klaustrofilian?