Diego Blancoren «Their Feelings» proiektua Artea eta Ospitaleak deialdiaren ebazpena jaso du. «Their Feelings» izeneko proiektuak pazienteen, profesionalen, senideen eta lagunen aldarteak islatu nahi ditu hizkuntza unibertsal bakar baten bidez: kolorea. Box of Feelings izeneko 2020ko Gazte Artearen Topaketetarako deialdian aurrez aurkeztutako proiektu artistiko bat erabiliz, Blancok elkarrizketa bat abiarazi nahi du aurretik izendatutako kolektiboekin, kanpoko horman egingo den diseinuan parte har dezaten.
Artista gazteak bere obrari buruz azaldu duenez «Nafarroako Unibertsitate Ospitaleko erabiltzaileentzako eta erabiltzaileek egindako proiektu inklusibo honekin, kokatuta dagoen lekuari buruz hitz egiten duen horma-irudi bat egiteaz gain, bertakoek dituzten emozioak irudikatu nahi dira». Bai pazienteak, bai osasuneko profesionalak, bai maite dituzten pertsonak ikustera joaten diren senitartekoak eta lagunak.
Artistak bere proposamenean, halaber, hormak izango dituen baldintza klimatologikoak, horma osatzen duen materiala eta obra egiteko material egokiak kontuan hartu zituen.
Artista
Diego Blancok 24 urte ditu, Arte Ederretako Gradua ikasi zuen Balentziako Unibertsitate Politeknikoan, eta Ilustrazioko Diseinuko master bat ikasi zuen Barreira Arte eskolan.
Artistak irabazi zuen 2020ko Arte Gaztearen Topaketen deialdia. Arte bisualen hainbat topaketatan ere parte hartu du, hala nola Putsch Galerian erakutsi zuen argazki-lanean, Bruselako Territoires entendus izenekoan edo Valentziako Tenderete izeneko autoedizio grafikoaren jaialdian.
Diegok Valentziako SIBERI publizitate-agentziarako mural bat diseinatu eta egin zuen, Valentziako metro geltokiaren ilustrazioa diseinatu zuen eta Alba Recheren Digipack + Vinilo-a diseinatu du UniversalMusicesentzat
18 eta 30 urte bitarteko artistei zuzendutako deialdia, Nafarroako Unibertsitate Ospitalean horma-irudi bat egiteko. Esku-hartze artistikoa 3,10 metroko altuera eta 58,60 metroko luzera duen horma baten gainean gauzatuko da edizio honetan, Ospitaleko psikiatria-pabiloian. Helburua da espazio bat sortzea, partekatzen duten pertsona guztiak humanizatzeko: profesionalak, pazienteak, senideak, lagunak. Proiektu artistikoen helburua ospitaleetako emozioak kudeatzen laguntzea izango da, azken horien kudeaketa erraztuz, gatazketan bitartekaritza eginez eta ospitalean gertatzen diren karga emozionaleko egoeretan lasaitasuna azaleratuz. Esku-hartze artistikoa aurtengo edizioan gauzatuko da 80m2-ko horma baten gainean, Nafarroako Unibertsitate Ospitaletik bideratutako psikiatria-pabiloian. Nafarroako Gazteriaren Institutuak 5.650€ ordainduko dizkio artistari edo artistei lan artistikoaren ekoizpenagatik, materialengatik eta obra Ospitaleko espaziora eramateagatik.
