Hitzaldi honetan Jorge Oteizak Latinoamerikan emandako aldiak (1935-1948) izan zuen eraginaren panoramika bat eskaintzen da, bai eta Latinoamerikako abangoardia historikoen eraketan eta haien modernizazio-prozesuetan garrantzitsuak izan ziren bi talde minoritariok eskultore oriotarrarengan izan zuten eragina: 1) lanbide-eskolen lana, non eskultore eta artista gizonezkoez gain, hainbat emakumeren lana ere garrantzitsua izan zen, eta 2) Latinoamerikako modernizazio-prozesuetan gizarteratzea mugimendu epistemologiko gisa osatzea “indigenismoak”.
Urtarrilaren 29an, Nafarroako Museoko hitzaldi aretoan. 19:00etan
Edukiera mugatua denez, gonbidapena Nafarroako Museoko leihatilan jaso beharko da hitzaldia hasi baino lehen.
Elixabete Ansa GoikoetxeaLiteratura eta Kultura Ikasketetan doktorea (2012) eta Literatura Hispanikoan Ma (2004) Indiana University-n (Bloomington, AEB) eta Deustuko Unibertsitateko Filologo Ingelesa (2002). Arte-abangoardien azterketan espezializatu da, eta arreta berezia jarri du artearen, literaturaren, zinemaren eta diseinuaren arteko diziplinarteko gurutzaketetan. Euskal Herriaren eta Latinoamerikaren artean harremanak ezartzeko ikerketa transatlantikoak ere interesatzen zaizkio. Mayo del 68 vasco: Oteiza y la cultura política de los sesenta (Pamiela, 2019) monografikoaren egilea da eta artikuluak idatzi ditu aldizkari eta liburu espezializatuetan (Bulletin of Hispanic Studies, Letras Femeninas, Revista de Estudios Hispánicos, Aisthesis, etab.). Gaur egun, Txileko Unibertsitate Katolikoko Estetika Institutuko Ikasketa Gaietarako zuzendaria eta irakasle elkartua da.
