Toki batean bizitzea toki horretan gorputzak eta gauzak sartzean datza, baita gorputz eta gauza horiek espazioan egokitzean ere. Mireya Martín Larumbe eta jorgemartínezuharte artistek materialak eramango dituzte Uharte Zentroko “Habitación” gunera, aterpe bat eraikitzeko eta lan-eremu hori bere egiteko. Ekintza hori haurtzaroko oroitzapen bati dago lotuta; etxolak egin eta bertan bizitzearena, alegia. Bi artistek oroitzapen berdina dute, baina ez zuten garai berean bizi. Izan ere, hamalau urteko aldea dago hiri berean jaiotako bi artisten artean: Jorgek kalean egiten zituen etxolak; Mireyak, berriz, etxean, egongelako mahaiaren azpian. Hamalau urte nahikoa dira hiri bat urbanizatzeko eta hiritarren bizipenak eraldatzeko. Lehenengo aldiz proiektu bateratuan arituz, okasiorako eraikitako beren aterpean elkartuko dira artistak. Hor, bakoitza bere praktikan aritzeaz gain, instituzioen eremuarekin eta hurbileko ingurunearekin arituko dira.
Aurkezpen publikoa: atzeratua
Habitación Transición de fase kartela
FANZINEA
Habitación: transición de fase ren fanzinea. Egileak: Mireya Martín Larumbe / jorgemartínezuharte
“Habitación” erakusketa gune iraunkor bat da, prozesu artistikoetan eta publikoarekin partekatzeko moduetan jartzen duena indarra. “Habitación” guneko proiektuetara artistak gonbidatzen dira elkarlanean aritzeko eta lana erakusteko prozesu moduan lantzeko, asteburuero irekitzen da herritarrentzat.
HABITACIÓNen – BISITA ORDUTEGIA:
Ostiraletan 17:00etatik, 20:00etara
