Zeramika profesionaleko labe baten azken erosketa dela eta, Pilar Arellanoren eskutik zeramika tailer tekniko bat emango da.
Zeramika historiaurretik gaur egunera arte landu den teknika da. Lurra, ura eta sua, naturan berez aurkitzen ditugun elementuak dira baina magia eraldatzean datza, emaitza interesgarriak lortuz, gure sentiberatasuna eta sortzeko gaitasuna suspertzeko.
Zeramikarekin esperimentatuko duzu, garapen pertsonalerako adierazpide eta bitarteko gisa. Sormenezko bidaia da, joan-etorrikoa eta engantxatu egiten duena.
Ikastaro honetan, buztin desberdinak ezagutuko dira, eta hauek transformazio plastikoan behar dituzten zainketak. Halaber, aukera desberdinak irakatsiko dira, bai eta horien gainean aplika daitezkeen teknikak eta egosteko prozesuan efektu desberdinak nola gauzatzen diren ere.
Gutxieneko ezagutza horiek buztinezko materiarekin esperimentatzeko balio dezakete, ezarritako edo bat-bateko zeramika-teknikak aplikatuz.
ZEINI ZUZENDUA?
Artistak, ikasleak, sortzaileak edo zeramikan interesa duen edozein pertsonari zuzendua.
DATAK ETA ORDUTEGIAK
2022ko azaroak 22, 23, 30 eta abenduak 1
15:30 – 19:30
IZEN EMATEA
Webguneko formulario beteta.
Izen emate kuota: 25 €
Pilar Arellano
Iruñean jaioa naiz. Irakasle ikasketak egin nituen nire hiriko Huarte de San Juan eskolan. Beti izan dut sormenerako jakinmina, eta Magisteritzako diplomatura amaitu nuenean, zeramikako gradua hasi nuen Iruñeko Arte eta Lanbide Eskolan. Hirugarren maila amaitu nuenean, zeramikako espezialitatea itxi zuten, eta hiru urtez joan nintzen Manises Zeramika Eskolara, Zeramika Artistako Peritajea egitera. Hurrengo bi urteetan, Valentziako Arte eta Lanbide Artistikoen eskolan Zeramikako Gradua osatzeko balio izan zidaten.
Azken 29 urteetan Tutera de Dueron, Valladolidetik gertu dagoen herrian, bizi izan naiz. Bertan, zeramika klaseak eman dizkiet haur eta helduei Udaletxeko Kultur Etxean. Villanublako espetxean ere zeramika eskolak ematen aritu nintzen.
Gaur egun urtebete daramat Iruñean bizitzen. Eta zeramika niretzat sortzeko eta adierazteko bide bat da. Sormenerako bokazio handia dut, eta zeramika teknika artistikoaren didaktikarekin uztartzea ere asko gustatzen zait.
