CPEIP Mendillorri
Zein forma dituzte egunerokoan ikusten ditugun marrazki bizidunek? galderatik abiatuz, sorkuntza artistikoko proiektu bat garatuko dugu, filmen eta marrazki bizidunen forma bisual eta materialek duten balio sinbolikoa eta horien esanahi afektiboa oinarri hartuta. Era berean, entzute aktiboaren eta adierazpen-lanaren bidez pertsonaia batzuk sortuko ditugu, pertsonaien sorkuntzaren ondoriozko narratiba eta subjektibotasun desberdinak esploratu ahal izateko.
