Nafarroako Gazteriaren Institutuak Arte Gaztearen 2021ko Topaketak antolatu ditu honako modalitate hauetan: Arte Plastikoak eta Ikusentzunezkoak; Arte Eszenikoak eta Musikak; Diseinua; Literatura. Topaketek gazte sortzaileak bistaratu nahi dituzte,eta haien prestakuntza eta profesionalizazioa bultzatu.
Helburu orokorrak hauexek dira: lanen sorkuntza eta ekoizpena bistaratzea, eta artisten prestakuntzan laguntzea, baita ere elkarrizketarako eta ezagutzaren trukerako guneak sustatzea diziplina orotako artista gazteen artean.
gehienez 34 proposamen hautatuko dira, eta horiek sari ekonomikoa izanen dute. Artistek edo taldeek parte hartu ahalko dute proposatu diren lau modalitateetako batean, eta haietako bakoitzean diziplina anitzeko epaimahai batek hautatuko ditu 5-10 proposamen. Horiek jendaurrean egonen dira ikusgai topaketetan, urrian zehar.
Mahaikideek, gainera, proiektuen jarraipena eginen dute tutoretzen bidez; baita lantegien bidez eta modalitateen arteko topaketak eginez ere.
Nori zuzentzen zaio?
Nafarroan jaiotako edo bertan bizi diren artista nahiz taldeei zuzentzen zaie hau. Artistek 14 urtetik 30era bitarte izan behar dituzte.
Talde edo kolektiboen kasuan, parte hartzen dutenen %33 izaten ahalko dira adin horretatik gorakoak eta/edo Nafarroatik kanpokoak.
Zer eskaintzen da?
Hautatutako artista edo kolektibo bakoitzak 600 euro jasoko ditu 2021 Topaketa Jaialdian bere proiektua aurkezteagatik.
Era berean, epaimahaia osatzen duten pertsonekin tailer eta prestakuntza-jardueren diziplinarteko programa bat izango dute eskura, proposamenen jarraipena ere egingo duena.
Iruñetik 30 km baino gehiagora bizi diren pertsona hautatuak beren proiektuaren aurkezpenera joateko edo beren obra bidaltzeko laguntza ezartzen da. Laguntza horren zenbatekoa behar duten hautatutako pertsonen arabera ezarriko da.
Proiektuaren garapena
Modalitate bakoitzean, hiru profesionalek osatutako epaimahai batek lehen hautaketa bat eginen du aurkezten diren proposamenen artean.
Irailaren 17tik urriaren 3ra bitartean, epaimahaiko kideek lantegiak eta prestakuntza jarduerak eginen dituzte Uharte Zentroan, hautaturiko pertsonendako.
Hautaturiko artistek beren proiektuen aurkezpen/lagin/emaldi bat eginen dute jendaurrean, modalitate bakoitzari egokitzen zaion formatuan, urriaren 15tik 17ra bitartean.
Modalitateak
- Arte eszenikoak eta musika
- Gehienez 10 proposamen hautatuko dira edozein estilo eta formatutakoak, hainbat arlotako proiektu, muntaia nahiz obrak (musica, antzerkia, dantza, performancea, zirkua) edo beste edozein proposamen hizkuntza eszeniko garaikideekin eta arte biziekin lotua.
- Arte Plastikoak, Ikus-entzunezkoak
- Gehienez 10 lan edo proiektu aukeratuko dira, arte garaikidearen hizkuntzekin lotuak eta honako arlo hauetako edozein teknikaren bidez gauzatuak: arte plastikoak, argazkigintza, bideoa eta zinema.
- Diseinua
- Gehienez 10 lan edo bilduma hautatuko dira, moda diseinukoak, diseinu grafikokoak, publizitatekoak, produktuaren diseinukoak, diseinu interaktibokoak, espazioen diseinukoak… edo diseinuaren arloan egun dauden beste joera batzuetakoa.
- Literatura
- Honako arlo hauetako gehienez 10 testu edo proiektu hautatuko dira: poesia, narrazioa, saiakera, komikia, album ilustratua edo beste edozein genero egungo literaturari lotua.
Eskaturiko dokumentazioa
-
- Izena emateko formularioa.
- NANaren fotokopia edo Nafarroako Foru Komunitatean bizitzeari buruzko frogagiria.
- Curriculum artistikoa, artistaren edo taldearen ibilbidea zehazten duena.
- Aurkezturiko proposamena edo lana jasotzen duen dosierra. Ikusi oinarri guztiak, modalitate bakoitzera egokitzeko.
Izena emateko epea eta modua
Bidaltzea 2021ko ekainaren 13 arte
Eskaera eta dokumentazioa bidali hona:
encuentros@navarra.es
Argibide gehiago eta oinarri osoak
www.encuentrosartejoven.info
Nafarroako Gazteriaren Institutua
Yanguas y Miranda, nº 27 Bajo
Tel. 848 423 900 / 848 427 841
encuentros@navarra.es / juventud@navarra.esjuventud@navarra.es
