“…zein pentsamenduk pentsatzen dituzte pentsamenduak? Zein irudik marrazten dituzte irudiak? Zein istoriok egiten dituzte munduak eta zein munduk kontatzen dituzte istorioak? (Haraway 2016,12).
Uharte Zentroak arreta berezia jartzen du hezkuntza komunitatea eta komunitate artistikoa lotzeko aukera ematen duten prozesuak sortzean, jardun eraldatzaile batetik, esploratzeko dauden heziketa aukera berriak bilatu eta abiaraztea dakarren alorretik.
Asmo horrekin estreinatzen dugu hezkuntza eskaintza berria. Bertan, jada lehendik gauzatzen ari ginen irakaskuntza prestakuntza proposamenak, hala nola VACA Proiektua, ikasgelekin edo eskolekin ekintza zuzenak egiteko proposamen berriekin konbinatzen ditugu:“A3” eta “Eskola Lurraldea”, edo irakasleen prestakuntza saioak ditugu.
2019-2020 ikasturteko hezkuntza eskaintza PDFan
A3
Hezkuntza formalaren barneko edozein hezkuntza mailatara zabalik dagoen deialdi bat da. Haren bidez lortu nahi da toki bateko hezkuntza arloaren eta arlo artistikoaren arteko ezagutza trukea sortzea, biak ala biak aberasteko bidea emango duena.
Gure lurraldearekin etengabeko harremanean dagoen sorkuntza, ekoizpen eta esperimentazio zentro moduan, ahalbidetu nahi dugu hezkuntza proiektuak sortzea eskolekin, tokiko artistekin lankidetzan arituta.
Beren curriculum edukiei arte garaikidetik begirada bat ematea, erakunde artistiko batekin elkarlanean esperientzia estetiko bat bizitzea eta ezagutzara hurbiltzeko beste modu batzuk ikertzea nahi duten Haur, Lehen eta Bigarren Hezkuntzako irakasleei zuzendua.
Izena emateko epea: Hurrengo deialdia 2020ko irailean
Eskola Lurraldea
Nafarroako ikastetxeetarako deialdi bat da, hezkuntza berrikuntzako proiektu bat hautatu eta garatzeko, hartan, ikasturte batean, eskolaren eta lurraldearen arteko erlazioa jorratzeko.
Egungo deialdietarako oinarriak 2019ko apirilean atera ziren, eta “Burlatatik Burlatara ARTE” proiektu irabazlea (Colegio Amor de Dios-Regina Pacis Ikastetxea -ak egina) 2018-19 ikasturtean ezarriko da, bigarren edizio honetan.
Nafarroako ikastetxe eta hezkuntza zentroei eskainia, hurrengo deialdia 2020ko otsailaren 20tik aitzina aterako da eta gure webgunean egongo den formularioa betez.
GORDINA (VACA Proiektua VIII)
Vaca Proiektua heziketa proiektu bat da, Bitartean.arte y educación elkartearekin elkarlanean garatua. Bertan, elkarrekin ikasteko eta hezkuntza komunitatearen barnean sareak sortzeko gune bat sortzen dugu. Arte garaikidea hartzen dugu abiapuntu, irakaskuntzako lana garatzeko edo hartan aurrera egiteko balio diguten prozesu batzuk eraikitzeko tresna den heinean, ikasgelan proiektu artistikoak garatuta, gure tutoretzarekin.
Edizio hau, sorkuntza garaikidearekin erlazionatzen gaituen lan-ardatz gisa, gorputzetik abiatuko da. Gorputza ematea, gorputza izatea, askotariko kidegoa, partekatua, zatikatua … Batez ere, irakasleen eta ikasleen gorputz-presentzian eragina izango dugu, eta ikasteko leku eta tresna gisa. VACA gorpuztuko dugu.
Haur, Lehen eta Bigarren Hezkuntzako eta irakaskuntza ez formaleko irakasleei zuzendua dago.
Izena emateko epea: Hurrengo deialdia 2020 irailean
Irakasleendako ikastaroak. Hezkuntza artistikorako teknikak eta teoria.
Ikasturtean zehar, bi prestakuntza tailer eskainiko ditugu irakasleentzat, ILZarekin elkarlanean.
Izena ematea bi modu hauetan egin behar da:
– Hezkuntza formaleko ikastetxe bateko irakaslea izanez gero, Irakasleei Laguntzeko Zentroaren bidez egin behar da. (http://formacionprofesorado.educacion.navarra.es/web/inscripciones-2/)
– Talde sozial bateko hezitzailea izanez gero, mezu elektronikoa bidali behar da educacion@centrohuarte.es helbidera.
“Flower Power: pedagogia feministatik abiatuz arte garaikidearekin egiteko gauzak”
Haur, lehen eta bigarren hezkuntzako nahiz hezkuntza ez formaleko irakasleei zuzendua, Lander Calvelhe, hezkuntza artistikoan doktoreak eskainiko du.
Tailerrean 4 saio dira, urriak 14, 15, 21 eta 22an 17:00etatik 20:00etara, Uharte Zentroan.
Ikuspegi feministek, queer eta pragmatistak, ohiko lekuetatik eta erronka berrietatik behatzeko aukera ematen dute, horrela, heziketa-ekintza sortzaileak eta ludikoak hartzeko, eta, aldi berean, balioetan eta bizikidetza-printzipioetan aberatsak dira.
Ikastaroa teoriko-praktikoa izango da, eta artista garaikideen lanetik abiatuko da, eta baliabide teorikoak, teknikoak eta prozesualak aterako ditugu, gure egungo irakaskuntzan lagunduko digutenak.
Mintegi bizigarri eta gogoetatsu bat, hainbat potentzialtasun bateratzea bilatzen duena – Artearen, feminismoen, hezkuntzaren eta pertsona bakoitzaren artean –, eta, aldi berean, dena jokoan jarriko dugu ahalik eta ikaskuntzak hobeto garatzeko eta, bitartean, ahalik eta hobekien pasatzeko, bai eta bien bitartean ere.
Izena emateko epea: itxita
“Etxeko bideoklip bat nola egin”
Haur, lehen eta bigarren hezkuntzako nahiz hezkuntza ez formaleko irakasle interesatuei zuzendua Beatriz Sánchez, ikusizko artista eta Arte digitaletan masterrak esakiniko du.
Tailerrean 4 saio dira, aurrez aurrekoak. Honatx egunak: martxoak 9, 10, 11 eta 12 , 17:00etatik 20:00etara, Uharte Zentroan.
Tailer praktikoa da, bertan zuzeneko bideoak garatuko ditugu, baliabide minimoekin, eta teknologia edo software konplexurik erabili gabe. Esperientzia guztia berehalakoa izango da, sormenezkoa, baliabide gutxi beharko ditu.
Izena emateko epea: 2020ko otsailaren 1etik aitzina
El proyecto con 2º de primaria del CP. Virgen Blanca de Huarte se plantea como una investigación artística grupal en la que a través de herramienta plásticas, visuales y corporales el alumnado profundiza en los usos que hacen del patio. Este curso partiremos de los conocimientos generados en las tres pasadas ediciones y así, seguir el proceso colectivo comenzado por alumnado que ya está en 6º.
GURE PATIOA 2016-20
Uharteko Virgen Blanca eskolako LHko 2. mailarekin garatzen den proiektua talde-ikerketa artistiko gisa planteatzen da, bertan, tresna plastikoen, ikusizko tresnen eta gorputz-tresnen bidez ikasleek patioan egiten dituzten erabileretan sakontzen dute. Ikasturte honetan, aurreko hiru edizioetan sortutako ezagutzetatik abiatuko gara, eta, horrela, jada 6. mailan dauden ikasleek hasitako prozesuari jarraituko zaio.
